شعر

قوروتولوش سئوداسي

بو اسينتي باشلانيش­دير، يولدا وار طوفان هله

 

بير قيغيلجيم­دير الوودان، جوشمادا وولكان هله

ائل گوجو سئل اولمادا، ييخسين تيفاغين مركزين

مست خواب جهل دير، قوي يوخلاسين تهران هله

كار قولاغي، كور گٶزو دويماز، گٶرنمز مجليسين

قيرخ حرامي دٶولتي خلقه اوخور ميدان هله

ييغميش اوباشي باشا عظما دئير باشدان يالان

بوش بوغازلار دٶورودور، وار چال-چاپا ميدان هله

فارس راسيزمي دين دونون گئيميش كي، سورسون سلطه­سين

قيرخي چيخميش مئييته يئرسيز ائدير درمان هله

قوتلو اولسون قورتولوش سئوداسي آذربايجان­ين

سون يوروش چون گٶزله­يير فورصت وئره فرمان هله

 

اسماعيل جميلي