راسیسم

کیهان قازئتی نین باش کاتیبی حسین  شریعتمداری نین فارس ایستعمارچیلیق حکومتینه قوزئی آذربایجانلیلار اوزره وئردیگی ایستعمارچی نصیحتلره باخیش!
 
آتالاردان قالمیش مثللرده وار: "دلی بیر آرمودا ال تاپماق اوچون مین بیر اویوندان چیخار". بو مثل فارس ایستعمار یانچیلاری نین فارس اولمایان ائتنوسلار اوزره اویقولاماغا و یئریتمگه چالیشدیقلاری سیاستلری نین جانی ساییلار. فارس ایستعمار یانچیلاری کئچمیش یوز ایلده ایران ممالیکی محروسه سینده کی تورک وارلیغینی دانماقلارینا باخمایاراق یئری گلرکن آذربایجان تورکلری نی شیعه لیک و ایسلامیت اساسیندا داها ایرانلی گؤسترمگه آذربایجان  تورکلرینی عیرقچی اولماقدا سوچلاماغا چالیشارلار.  شیعه لیک اساسیندا سیدعلی حسینی خامنه ای محفلینه یاخین اولان و فارس ایستعمارچیلیق مفکوره سی نی شیعه لیک اساسیندا تمثیل ائدن کیهان قازئتی ده آدی چکیلن تریبونلاردان بیری ساییلار.  بو قازئته نین باش کاتیبی اولان حسین شریعتمداری کئچمیشده "رئفراندوم" مسئله سی نین فارس "ولایت فقیه" مسئله سینه ترس اولدوغونو تشخیص وئردیگی اوچون رئفراندوم مسئله نین غربلر طرفیندن اورتایا آتیلماسینی دیله گتیرمه سینه باخمایاراق[i] بوگون گونئی آذربایجانلیلاری فارسلیق ایستئحمارینا اوغراتماق اوچون قوزئی آذربایجانلیلار فارسلیق ایستعمارینا بارینار (پناه آپارار) دئیه رئفراندوم مسئله سینی اورتایا آتمیش مقامدا یئر آلار[ii]. یئری گلمیشکن بو مقاله نین بعضی مقاملارینی گؤزدن کئچیرمگه چالیشاق، اوخویوروق:

 

 


"1- جمهوري آذربايجان نزديك به 10 ميليون نفر جمعيت دارد كه اكثريت نزديك به تمامي آنها مسلمان و شيعه هستند و پيوندهاي عميق فرهنگي و عقيدتي با مردم آذربايجان ايران دارند. مردم اين كشور اگرچه سال هاي متمادي تحت سلطه شوروي سابق بوده اند ولي علي رغم تلاش و برنامه ريزي گسترده حزب كمونيست شوروي از عقايد ديني و فرهنگ و سنت هاي آذري خود دست نكشيدند. آنها بعد از فروپاشي شوروي سابق خواستار بازگشت به فرهنگ و عقايد خود بودند و از آن هنگام تاكنون ايران اسلامي را قبله آمال خود مي دانند"[iii].

 


شیعه لیک اساسیندا اوسته کی فارس ایستعمارچیلیغی و ایستحمارلیغینی آذربایجان تورکلرینه آشیلاماغا چالیشان ذاتین باشماغیندا قوم یوخدورسا، نه اوچون بو مقاملاری سیرالار دئیه هر بیر عاقیل و بالیغ انسان دوشونجه و فیکیر یئریتمه لیدیر. دئمک، قوزئی آذربایجان جمهوریتی آنایاساسینا اساسن آذربایجان دؤولتی سئکولار بیر حاکیمیت اولاراق هر هانکی بیر ایدئولوژی و دین اینانجینی سیاسته وسیله ائتمز  مقامدا یئر آلار. حاکیمیتچیلیک آچیسیندان آذربایجان جمهوریتینده شیعه و سنی دئیه دینی بیر آیریم یاپیلماز. آذربایجان تورکلوگو آچیسیندان 1875 اینجی ایلدن حسن زردابی باشچیلیغی ایله یایینا باشلامیش اکینچی قازئتی و اونو تعقیب ائدن باشقا یایین و باسین اورقانلاری قوزئی آذربایجاندا آذربایحان دیل و مدنیتی نی اساس گؤتورمکلرینه باخمایاراق گونئی آذربایجانا دولاییلی اولاراق فارس دیل و مدنیتی اساسیندا فارس ایستعمارچیلیق مفکوره سی حاکیم کسیلدیگی اوچون فارسلیق آغیر باسماغا و آذربایجان تورکلوگونون جانینی اوخوماغا و یوخلوغا چیخارماغا باشلامیش. دئمک، روسیه سؤیئتلیگی دؤنمینده روسیه کمونیست ایدئولوژیسی و روس دیل و مدنیتی آغیرلیق باسماسینا باخمایاراق آذربایجان دیل و مدنیتی نین ایشیق اوزو گؤرمه سی نین یانی سیرا خالقین دینی اینانجلاری دا تبلیغ اولما ایمکانی تاپمادیغینا باخمایاراق مسلمانلیق یاساقلانمامیش. بئله لیکله ده قوزئی آذربایجان تورکلری روسیه سؤیئتلیگی نین داغیلماسی ایله اؤز دیل و مدنیتلرینه قاییتماق دئییل، اؤز دیل و مدنیتلرینی داها دا دیرچتمگه و جانلاندیرماغا باشلامیشلار. دئمک، قوزئی آذربایجان تورکلری نین دیل و مدنیت بئشیکلری ایران ممالیکی محورسه سی و فارس ایمپئریاسی دئییل، قوزئی آذربایجان تورپاقلاری ساییلار. ائله اوندان یانا دا ایستر قوزئی و ایسترسه ده گونئی آذربایجان تورپاقلاریندا یارانمیش تشکیلاتلار و قوروملار آذربایجان آدینی یئدک چکمگه چالیشارلار. حسین شریعتمداری گئنه ده یازار:

 


"...  شواهد موجود و رصدهاي پيوسته كمترين ترديدي باقي نمي گذارند كه مردم جمهوري آذربايجان، خود را عضو جدا شده اي از ايران اسلامي تلقي مي كنند و تلاش فراوان و برنامه ريزي گسترده صهيونيست ها كه بعد از فروپاشي شوروي در جمهوري آذربايجان نفوذ قابل توجهي يافته اند، تاكنون نه فقط موفق به تغيير اين ديدگاه در مردم شريف جمهوري آذربايجان نشده است بلكه دشمني و جنايات وحشيانه صهيونيست ها عليه ملت هاي مسلمان ، اشتياق مردم جمهوري آذربايجان را به پيوند با ايران اسلامي شتاب بيشتري داده است. همايش مورد اشاره يكي از دهها و صدها اقدام مشترك صهيونيست ها و برخي از دولتمردان جمهوري آذربايجان براي مقابله با احساس همبستگي مردم آن خطه با ايران اسلامي و پيشگيري از فوران اين احساس عميق ديني و فرهنگي است. برپايه شواهد موجود تأسيس حزب موسوم به «جبهه آزادي ملي آذربايجان جنوبي»! يك اقدام ناشيانه از نوع «فرار به جلو» است كه به منظور پيشگيري از خواسته مردم جمهوري آذربايجان براي الحاق به ايران اسلامي و يا تشكيل يك نظام اسلامي مشابه ايران، سازماندهي شده و تاكنون نيز كمترين موفقيتي نداشته است"[iv].

 


اوسته گؤروندوگو کیمی شیعه لیگی فارس ایستعمارچیلیغینا اویونجاق ائتمیش حسین شریعتمداری بیر دام چاتیسی آلتیندا (فارس ایمپئریاسیندا) قابارماقدا اولان موختلیف دیل و مدنیت فرقلیکلرینی باسدیرماق و اونلاری یاتیرماق اوچون بیر یاندان گونئی آذربایجان تورکلرینی فارس ایستحمارینا (حمیقلیق) اوغراتماق ایستر، باشقا یاندان شیعه لیک اساسیندا فارس ایستعمارچیلیغینا برائت قازاندیرماغا چالیشاراق گونئی آذربایجان میللی مسئله سینی یوزماغا و دونیا ایجتماعیتی نین دیققتیندن یاییندیرماغا چالیشار. دئمک، قوزئی آذربایجان خالق توپلومو شیعه لیگی فارس ایستعمارچیلیغینا اویونجاق ائمیش ایران ایسلام جمهوریتی (فارس ایستعمارچیلیغی) نین ترکیب حیسسه سی دئییل، دیل و مدنیت آچیسیندان اؤزونو تورکلوگون ترکیب حیسسه سی حئساب  ائده رک ایستر شیعه لیگی فارسلیغا اویونجاق ائتمیش فارس حاکیمیتی نین ظولموندن قاچمیش کئچری ده اولسا، گونئی آذربایجان تورکلوگونون اومود ائوی، بارینما یئری، ایسترسه ده گونئی آذربایجان خالقی نین مظلومیتینی دونیا ایجتماعیتینه چاتدیرماق اوچون بیر اویقون مکان حئساب ائدر. ائله اوندان یانا دا قوزئی آذربایجان جمهوریتی حاکیمیتی دیپلوماتیک قوراللاری گؤز اؤنونه آلاراق گونئی آذربایجان میللی مسئله سینی سیاست ماساسی نین اوزرینه یاتیرا بیلمزسه ده، قوزئی آذربایجانداکی میللی ایجتماعی و سیاسی تشکیلاتلار گؤنئی آذربایجان میللی مسئله سینه دیققت یئتیرمگه چالیشارلار. دئمک، بو آچیدان دا آرتیق گلنلیک (فرار به جلو!!) ائتمک سیاستی فارس ایستعمارچیلیغینی تمثیل ائدن شخص و تشکیلاتلارا عایید اولموش مقام ساییلار. ائله بو اساسدا دا ایستر قوزئی آذربایجاندا باش وئرمیش هر هانکی بیر مدنی نائیلیتی آرادان قالدیرماق و قاباغینی آلماق[v]، ایسترسه ده گونئی آذربایجان میللی مسئله سینه موناسیبت بیلدیرمگی صهیونیستی بیر مقوله سایماق فارس ایستعمارچیلیغینی نماینده لیک ائتمیش مقاملارا عایید بیر ایستعمارچیلیق و عوامفریبلیک گؤروشو ساییلار[vi]. حسین شریعتمداری گونئی آذربایجانلیلارین دینی  اعتیقادلارینی فارس ایستعمارچیلیغی خیدمتینه آلماغا چالیشارکن یازار:
" 2- براي شناخت روحيات و بينش و فرهنگ مردم جمهوري آذربايجان مي توان نيم نگاهي به مردم مسلمان، غيور و پاكباخته آذربايجان خودمان انداخت. مردمي كه پايداري و فداكاري آنها در دفاع از انقلاب اسلامي و حضور هميشگي آنان در حمايت از نظام مقدس جمهوري اسلامي ايران، مثال زدني و كم نظير است. مردمي كه در تمامي فراز و نشيب ها و روزهاي حادثه- از جمله در مقابله با رژيم طاغوت و در جريان جنگ تحميلي- از امام راحل(ره) و خلف حاضر او به يك اشاره بوده است و از آنها در دفاع از انقلاب و ميهن اسلامي، به سر دويدن"[vii].

 


اوسته گؤروندوگو کیمی شیعه لیگی فارس ایستعمارچیلیغی خیدمتینه آلماغا چالیشان حسین شریعتمداریلر دیل و مدنیت مقوله سینی دین اؤرتوگونون آلتینا باریندیرماقلا عوامفریبلیک ائتمگه چالیشار. دئمک، فارس ایستعمارچیلیغی تاپداغی آلتیندا دیل، مدنیتی، میللی منلیگی و کیملیگی تاپدانمیش و ایران بایراغی آلتینا آلینمیش گونئی آذربایجان تورکلری سورکلی (همیشه لیک) اولاراق فارس ایستعمارچیلیغینا مینیک وئرمه یه جکلر. اونلار زامان گئدیشی ایله فارس ایستعمارچیلیغینی نین قارابولوتلارینی گئدرمگه چالیشاراق اؤز دیل و مدنیتلری اساسیندا گونش اوزونو گؤرمگه چالیشاجاقلار. بو مسئله نی درک ائتمگن فارس ایستعمار دؤلتی و فارس ایستعمار یانچیلاری بؤلگه ده کی گلیشمه لری درک ائتمه یه رک گؤزلنیلمدن یاخالاناراق اوزدن ایراق قویروغونو ایکی قیچی نین آراسینا سوخموش او موجود کیمی قاچماغی دورماغا داها اوستون حئساب ائده جک گؤرونرلر. دئمک، کئچمیشده میللی منلیگی و کیملیگیندن خبرسیز گونئی آذربایجان تورکو ایرانیت باشلیغی آلتیندا فارس تشکیلاتلاریندا فارسلیق اوچون نؤکرلیک و آیاقچیلیق ائتمه نی اؤزونه بیر میللی بورج حئساب ائدیردیسه، بوگون فارس ایستعمارچیلیغی نین شیادلیغینی درک ائده رک فارس ایستعمارچیلیغی خیدمتینده دئییل، اؤز میللی منلیگی و کیملیگی خیدمتینده اولمانی اؤزونه میللی شرف حئساب ائده رک خالق دینی اینانجی و شیعه لیگی فارسلیغا اویونجاق ائدنلره انسانلیق درسینی وئره جک دئیه دوشونمه لی ییک. حسین شریعتمداری گئنه ده یازار:

 


" 3- شركت كنندگان اندك و كم شمار همايش ياد شده، اگرچه عليه تماميت ارضي ايران اسلامي ياوه سرايي كرده اند ولي اين فقط ظاهر ماجراست و در پشت اين ظاهر ساختگي شور و اشتياق وصف ناشدني مردم مسلمان جمهوري آذربايجان براي الحاق به جمهوري اسلامي ايران موج مي زند و اگر چنين نيست- كه هست- اينهمه تلاش حزب صهيونيستي جبهه آزادي ملي آذربايجان جنوبي! براي چيست؟! اين ماجرا و دهها ماجراي مشابه ديگر كمترين ترديدي باقي نمي گذارد كه مردم در جمهوري آذربايجان از حضور و نفوذ آشكار و پنهان صهيونيست ها در آن مرز و بوم به تنگ آمده اند. و اين دقيقاً همان پيامي است كه بايستي مسئولان محترم سياست خارجي كشورمان دريافت كنند و در پي آن براي نجات مردم جمهوري آذربايجان دست به كار شوند. چگونه؟! بخوانيد"[viii]
خالق آراسیندا بیر پیس مثل وار، دئییلمیش: "گؤزون یوخسا داشاغیمدا، الین نه گزر قورشاغیمدا!!".

 


دئمک، ایسلام آدی آلتیندا ایداره اولونان فارس ایستعمار حاکیمیتی
ایسارتینده ساخلامیش گونئی آذربایجان خالقی نین فیزیکی و معنوی گوجونده و اونون میللی تورپاقلارینی فارس ایستعمارچیلیق ایسارتینده ساخلاماقدا قرارلی دئییلسه، ائرمنی ایشغالچیلارینا ماددی و معنوی کؤمک ائده رک قوزئی آذربایجان تورپاقلاری نین یوزده ییرمی سی نین ایشغالدا قالماسینا کؤمک ائده رک بیر میلیوندان آرتیق قوزئی آذربایجان وطنداشلاری نین دیدرگین دوشمه سینده قرارلی گؤرونمز. دئمک، فارس حاکیمیتی آذربایجان جمهوریتینی یئنیلمیش (شکست خورده) دورومدا ساخلاماقلا بیر یاندان گونئی آذربایجاندا میللی بیلینجی گلیشمکده اولان گونئی آذربایجانلیلارین میللی بیلینجلرینی باسدیرماغا، اونلاری فارسلیق چنبره سیندن اوزاقلاشماقدان قورخوتماغا، باشقا یاندان قوزئی آذربایجاندا یاریم آشکار و یاریم گیزلی یاراتدیغی "ایمام کؤمیته لری (کمیته امام خمینی)" واسیطه سی ایله فارس کورسلاری دوزنلمکله فارس ایستعمارچیلیغینا شیعه لیک آدی آلتیندا اساس یاراتماغا چالیشار. حسین شریعتمداری نین "شور و شوق" دئیه هیجان کئچیردیگی ایسه امام کمیته لری طرفیندن قوزئی آذربایجان تورپاقلاریندا انسانلارین دینی اینانجلاری ایله اوینادیقلاری داورانیشلار ساییلار. دئمک گونئی آذربایجانلیلارا شیعه لیک آدینا اولموش باسقی و ظولومون ماهیتی قوزئی آذربایجالیلارین دینچی کسیمینه ایضاح ائدیلرکن  فارس ایستعمارچیلاری شیعه لیکدن اوزاقلاشماق یئرینه داها دا شیعه لیگه تپینه رک گونئی آذربایجان تشکیلاتلارینی، او جومله دن گاماج تشکیلاتی نی صهیونیسم یانچیسی اولماقلا سوچلامیش مقامدا یئر آلارلار. بو یاناشما دا حسین شریعتمداری نین آذربایجان حاکیمیتی و تشکیلاتلارینا نسبت وئرمگه چالیشدیغی آرتیق گلنلیگ (فرار به جلو) مقوله سی ساییلار. یئری گلمیشکن شیعه لیک دونونا بورونموش فارس ایستعمارچیلاری، او جومله دن حسین شریعتمداری صهیونیسم دئیه هر هانگی یولدان کئچن شخص و تشکیلاتا نسبت وئردیگی ایتتیهامین نه آنلام داشیدیغینی ایضاح ائتمگه چالیشاق:

صهیون ندیر؟ و صهیونیست کیمدیر؟


صهیون کلمه سی ایلک اولاراق اون ایکینجی عصیرده الاذقیه بندری
[ix] Antik: Laodicea ya Laodikeia (Yunanca: Λαοδικεία, Türkçə: Lazkiye)) و حلب (Aleppo) شهری آراسیندا یئرلشمیش بیر قلعه یه وئریلمیش آد ساییلار. بو قلعه اؤنجه صلاح الدین قلعه سی (قلعه صلاح الدین) آدلانارمیش. اون ایکینجی عصیرده بو قلعه نین صاحابی ویلهئلم صهیون اولدوغو اوچون بو قلعه یه صهیون آدی دا وئریلمیش بیر تاریخی آد ساییلار.


ویلهئلم صهیون مین یوز اوتوز ایکینجی ایل ایسلام قوشونلاری طرفیندن اؤلدوگونه باخمایاراق صهیون قلعه سی اونون قارداشی گارئتون آدلی بیر شخصه میراث قالمیش
[x]. اوسته گؤروندوگو کیمی الاذقیه و حلب آراسیندا یئرلشمیش صهیون قلعه سی نین بوگونکو فیلیسطین و ایسراعیل تورپاقلاری ایله هر هانکی بیر ایلگی و ایلیشگیسی اولمادیغینا باخمایاراق یهودی میللتچیلری تاریخی روایتلره اساسن داوود ایمپراتورلوغونون سرحدلری دئیه صهیون آدیندان یولا چیخاراق، صهیون کلمه سینه سیاسی ایدئولوژی دونو گئییندیرمکله بیر سیاسی حرکت باشلاداراق فیلیسطین تورپاقلاریندا یهود میللی دؤولتینی قورماغا باشلامیشلار. بو اساسدا قوزئی آذربایجان جمهوریتی تورپاقلاری اوزره فارس ایستعمارچیلاری و فارس مدنیت راسیستلری نین تورپاق ایددعالاری هئچ ده صهیونیستلیک داورانیش و حرکتیندن گئری قالماز. صهیونیستلر فلسطین تورپاقلاریندا یهود دؤولتینی یاراتماق اوچون تاریخده کی صهیون قلعه سینه سؤیکنیردیلرسه، بوگون فارس ایستعمارچیلاری و مدنیت راسیستلری ده قوزئی آذربایجان تورپاقلارینی "ایران شمالی" آدی آلتیندا ضبط ائتمک ایسترلر. بو باخیمدان دا فارس ایستعمارچیلاری و فارس مدنیت راسیستلری نین آرتیق گلنلیک (فرار به جلو) ائتدیکلری اورتایا چیخمیش اولار.
صهیونیزم (
Siyonut  ציונות(Hebricə:   
 
صهیونیزم یهودیلرین آدلاندیردیقلاری بیر نوع میللتچیلیک ایدئولوژیسی ساییلار. یهود میللیتچیلری نین دئدیکلرینه گؤره صهیونیزم یهود مدنیتی نین تاریخی ایسراعیل تورپاقلاریندا قوروجولوق اساسی ساییلاراق یهودیلری بیر میللت اولاراق باشقا توپلوملاردا اریییب یوخ اولماقدان قورویاراق اونلاری یئنی ایسراعیل تورپاقلارینا دؤنمکده ائشلیک و همراهلیق ائدر[xi].

 


اوسته گؤروندوگو کیمی صهیونیزمین آذربایجان و آذربایجانچیلیق ایله هر هانکی بیر ایلگی و ایلیشگیسی یوخدور. بونلارا باخمایاراق فارس ایستعمارچیلاری نین آذربایجان حکومتی و آذربایجانلیلاری صهیونیزمه نسبت وئرمک مسئله لرینه گلدیکده فارس توپلومو کیملیک باخیمیندان تاریخدن گونوموزه دک توطئعه تئوریسی ایله یاشام سورموش بیر توپلوم ساییلار. توطئعه گؤروش و ادبیاتینا فارسلیغین شاه اثری کیمی قبول اولموش شاهنامه کیتابیندا دا گئنیش یئر وئریلمیش. حسین شریعتمداری گئنه یازار:

 


" 4- مسئولان محترم كشورمان مي توانند به دولت جمهوري آذربايجان پيشنهاد كنند كه الحاق جمهوري آذربايجان به آذربايجان ايران را در ميان مردم آن كشور به رفراندوم بگذارند. اين ابتدايي ترين گام در تحقق دموكراسي و مردم سالاري است. نتيجه اما، از هم اكنون به آساني و با قاطعيت قابل پيش بيني است و يا، خواسته واقعي آنان براي تشكيل يك نظام اسلامي شبيه جمهوري اسلامي ايران را از طريق يك رفراندوم با دو گزينه «آري» و «نه» جويا شوند. آنچه در ميان مردم شريف جمهوري آذربايجان جريان دارد به وضوح نشان مي دهد كه آنها در گام اول خواستار الحاق به ايران اسلامي هستند و اولويت دوم را در تشكيل يك نظام اسلامي با ساختاري برگرفته از ساختار جمهوري اسلامي ايران مي دانند".

 


اوسته کی "لای لای" دئیه ایشغالچیلیق
مفکوره سینی فارس دیل و مدنیتی باشلیغی آلتیندا فارس ایستعمارچیلیق حاکیمیتی تورپاقلاریندا یایماغا چالیشان فارس ایستعمارچیلاری و مدنیت راسیستلری نه اوچون ایران ممالیکی محروسه سینده کی فارس اولمایان ائتنوسلارین فارس ایستعمارچیلیق بویوندوروغو آلتیندا یاشاییب یاشاماق ایستمدیکلرینه داییر "رئفراندوم" کئچیرمک مسئله سینی سؤز قونوسو ائمک ایستمزلر؟ گؤروندوگو کیمی فارس ایستعمارچیلاری اؤزلری ایشلرینه گلمدیکلری سفاریشلری باشقالارینا اؤنرمگه و سفارش ائتمگه چالیشارلار. حسین شریعتمداری گئنه ده یازار:

 


" 5- چند سال قبل در يادداشتي با عنوان «آوازهاي كوچه باغي» ضمن ارائه اسنادي حاكي از خيانت رژيم آمريكايي شاه در جدا كردن بحرين از ميهن اسلامي به شواهد و قرائن معتبري اشاره كرديم كه نشانه نفرت عميق مردم بحرين از حكومت دست نشانده آل خليفه و اشتياق آنان براي بازگشت به وطن اصلي يعني ايران اسلامي بود"[xii].

 


اوسته کی حسین شریعتمداری نین بحرین اوزره ائتدیگی ایددعالار گئرچکلیک و واقعیتی یانسیتماز.
فارس ایستعمارچیلیغی نین اوزدن ایراق دینچی قانادی ایسلامیت و شیعه لیگی اؤز اوزونه بیر اؤرتوک کیمی توتاراق انگلیس ایستعمارچیلیغیندان قورتارماقدا اولان و بیر داها هر هانکی بیر دؤولتین بویوندوروغو آلتینا کئچمک ایستمگن و خالق سس وئرمه یولو ایله اؤز مستقیللیگینی دونیا اجتماعیتی و دونیا دؤولتلر تشکیلاتینا تانیتدیران بحرین دؤلتی نی،  فارسلیغین کاذب میللیتچی (پارسیان) قانادی دا فارس ایستعمارچیلیغی نین آیریلماز بیر حیصصه سی دئیه تانیتماغا چالیشار. بو دوغرولتودا رضا خان بیگی ایمضاسی ایله یازیلمیش یازیدان اوخویوروق:

 


" "علت دستور آمریکا برای لشکرکشی وحشیان عرب به بحرین، فقط هویت پارسی بحرینیان است نه مذهب آنان، چرا که خیلی از هموطنان بحرینی ما به زبان فارسی صحبت میکنند و عاشق ایران هستند آمریکائیان خیلی خوب این را میدانند و اگر دخالت هوشمندانه ما براساس هویت پارسی آنان باشد، کمترین حساسیت دینی، در منطقه ایجاد شده و حرف ما پیش خواهد افتاد، مسلم است همه مردم منطقه میدانند روزی این کشور جزو خاک ما بوده و زمانی مردم بحرین درپناه حاکمیت قدرتمند ایران بین کشورهای عربی بخود میبالیده اند و دخالت ما (بر اساس هویت پارسی آنان) در امور بحرین، در اذهان عربها و حتی جهانیان، بنوعی از قبل پذیرفته شده است"[xiii].
اوسته گؤروندوگو کیمی فارس ایستعمارچیلیغی مسئله سی آچیسیندان سیدعلی حسینی خامنه طرفیندن کیهان قازئتینه باش کاتیب دئیه ایش اوستونه قویولموش حسین شریعتمداری نین گؤروشلری ایله باشقا فارس ایستعمارچیلاری و مدنیت راسیستلری نین گؤروشلری اوست اوسته دوشر. بیلیندیگی کیمی بحرین 1820 اینجی ایل انگلیس ایستعمار حاکیمیتی آلتینا کئچمیش و 1971 اینجی ایل فارس ایستعمارچی ایددعالاری نین ترسینه خالق سس وئرمه یولو ایله اؤز باغیمسیز اولماسینی دونیا اجتماعیتینه تانیتمیش و دونیا دؤلتلری طرفیندن ده قبوللوق گؤرموش بیر دؤولت ساییلار. دئمک، پهلوی شاهلاری زامانیندا پان ایرانیست محفلی نین بحرین اوزره اؤنه سوردوگو تورپاق ایددعاسی، بیر چوخلاری نی کاذیب خیالاتا اوغراتمیش بیر ایستعمارچیلیق مقام ساییلار[xiv].
 
قایناقلار:

 



[i]
           "شریعتمداری به شعار نه غزه و نه لبنان که چند روز قبل از راهپیمایی روز قدس در سایت فارسی زبان وزارت خارجه اسرائیل عنوان شده بود اشاره کرد و گفت: حتی رفراندومی که خاتمی از آن عنوان می‌کرد نیز طرح غربی‌ها بود" (تعبیر جدید شریعتمداری از خاتمی، کروبی و موسوی، ۱۶ تیر ۱۳۹۰، پایگاه خبری- تحلیلی خادم نیوز: http://www.khademnews.com/detail=2766).
[ii]
          حسین شریعتمداری، نوبت باکو، چهارشنبه 14 فروردین 1392 - شماره 20457: http://www.kayhan.ir/920114/2.htm#other203.
[iii]          باخ حسین شریعتمداری، اورادا.
[iv]
          باخ حسین شریعتمداری، اورادا.
[v]
          مخالقت روحانیان ایرانی با برگزاری یوروویژن ۲۰۱۲ در باکو: http://www.dw.de/%D9%85%D8%AE%D8%A7%D9%84%D9%81%D8%AA-%D8%B1%D9%88%D8%AD%D8%A7%D9%86%DB%8C%D8%A7%D9%86-%D8%A7%DB%8C%D8%B1%D8%A7%D9%86%DB%8C-%D8%A8%D8%A7-%D8%A8%D8%B1%DA%AF%D8%B2%D8%A7%D8%B1%DB%8C-%DB%8C%D9%88%D8%B1%D9%88%D9%88%DB%8C%DA%98%D9%86-%D8%AF%D8%B1-%D8%A8%D8%A7%DA%A9%D9%88/a-15930794-1  ،  تبلیغات خیابانی علیه "یوروویژن" در باکو، تابناک، ارديبهشت ۱۳۹۱ :  http://www.tabnak.ir/fa/news/246229/%D8%AA%D8%A8%D9%84%DB%8C%D8%BA%D8%A7%D8%AA-%D8%AE%DB%8C%D8%A7%D8%A8%D8%A7%D9%86%DB%8C-%D8%B9%D9%84%DB%8C%D9%87-%DB%8C%D9%88%D8%B1%D9%88%D9%88%DB%8C%DA%98%D9%86-%D8%AF%D8%B1-%D8%A8%D8%A7%DA%A9%D9%88   و استقبال سرد از مسابقات یوروویژن باکو، خبرگزاری فارس: http://www.farsnews.com/newstext.php?nn=13910303001129، بولتن نیوز،  استقبال سرد از مسابقات یوروویژن باکو: http://www.bultannews.com/fa/news/85218/%D8%A7%D8%B3%D8%AA%D9%82%D8%A8%D8%A7%D9%84-%D8%B3%D8%B1%D8%AF-%D8%A7%D8%B2-%D9%85%D8%B3%D8%A7%D8%A8%D9%82%D8%A7%D8%AA-%DB%8C%D9%88%D8%B1%D9%88%D9%88%DB%8C%DA%98%D9%86-%D8%A8%D8%A7%DA%A9%D9%88
[vi]              حسین شریعتمداری، پیشنهاد الحاق جمهوری آذربایجان به ایران، تابناک، تاریخ انتشار: ۱۴ فروردين: http://www.tabnak.ir/fa/mobile/311435، آژانس خبری و تحلیلی، بادکوبه، رژیم صهیونیستی در آذربایجان: http://www.badkube.com/index.php/azerbaijan/israil/483-1391-03-04-06-53-02.html، اندیشه سیاسی، نفوذ صهيونيسم در جمهوري آذربايجان، جمعه, 16 فروردین 1392!: http://siasi.porsemani.ir/content/%D9%86%D9%81%D9%88%D8%B0-%D8%B5%D9%87%D9%8A%D9%88%D9%86%D9%8A%D8%B3%D9%85-%D8%AF%D8%B1-%D8%AC%D9%85%D9%87%D9%88%D8%B1%D9%8A-%D8%A2%D8%B0%D8%B1%D8%A8%D8%A7%D9%8A%D8%AC%D8%A7%D9%86 ، مرکز هم اندیشی استادان و نخبگان دانشگاهی؛ نفوذ جمهوري آذربايجان و گسترش حضور صهيونيسم: http://hamandishi.net/2010/component/content/article/198-1388-09-10-11-10-35/1049-------.html
[vii]          باخ حسین شریعتمداری، اورادا.
[viii]
         باخ حسین شریعتمداری، اورادا.
[ix]           Al-Laziqiyə Suriyə Alevilərinin başşəhəri sayılar. Bu şəhərdə Sünnü, Suriyəli Ortoduks və Katolik Məsihilər də yaşamaqdadır. Bu əyalətin nufusunun % 70 Alevi, % 14 Məsihi, % 12 Sünnü və % 2 sayı İsmayilidir.
[x]           Reinhold Röhricht: Geschichte des Königreichs Jerusalem (1100–1291). Wagner, Innsbruck 1898
[xi]              Daha art
ıq bilgi üçün bax Zionism: http://en.wikipedia.org/wiki/Zionism
[xii]          باخ حسین شریعتمداری، اورادا.
[xiii]
         رضا خان بیگی، هویت ایرانی: بحرینی ها با هویت پارسی: لوازم اداری ایران: http://www.tehranoffice.com/
[xiv]
         بحرین آداسی 1522 اینجی ایلدن 1602 اینجی ایله دک پورتاغال مستعمره سی ساییلارمیش. 1602 اینجی پورتاغاللیلار بحرینی ترک ائتدیکدن سونرا آذربایجان صفویلر دؤلتی بحرینه ال قویموش. بئله لیکله بحرین 1783 اونجو ایله دک ایران ممالیکی محروسه سی نین ترکیبینده اولموش. 1783 اونجو ایل بحرین آل خلیفه حؤکومتی نین الینه کئچمیش و 19 اونجو یوز ایلدن 1971 اینجی ایله دک بحرین انگلیس مستعمره سی اولموش. بونلارا باخمایاراق قاجار و پهلویلر دؤنمینده بحرین اوزره ایران ممالیکی محروسه سی نین تورپاق ایددعالاری داوام ائتمیش. 1971 اینجی ایل بحرین انگلیس مستعمره چیلیگیندن استیقلالینی آلدیقدان سونرا دونیا بیرلشمیش دؤلتلری تشکیلاتی نین واسیطه چیلیگی ایله محمدرضا پهلوی حؤکومتی بحرین اوزره تورپاق ایددعاسینی کنارا بوراخمیش (باخ: ایرانیکا: بحرین) بو گلیشمه لره باخمایاراق فارس تشکیلاتی ساییلان پان ایرانیست ایستعمارچی محفل، باشیندا محسن پزشکپور اولاراق گئنه ده بو یالانچی ایددعالاریندان واز کئچمه میش.
 
 
ایشیق سؤنمز،