داخیلی

  مئهران باهارلي:

 

هر گون ينئي بير شخصييه‌ت و دوشونور، شخصييه‌ت تئرورو و تخريبي اينتيقادا معروض قالير، اؤزه‌ل ياشامينا تجاووز ائديلير، آلچالديليب تحقيرله‌رله كيچيك دوشورولور، سسي سوسدورولوب دوشونجه ايله اؤز حذف ائديلمه‌ك ايسته‌نير. اولاي بسيطدير: فرقلي دوشونورسه‌نيز، هله بو فرقلي دوشونجه‌نيزي ديله گتيرمه و يايما جساره‌تينده بولونورسانيز، يوخ ائديله‌جه‌كسينيز. هم معنه‌وي و كيشيليك و سايقينليق اولاراق، هم ده مومكون ايسه فيزيكي اولاراق  .

 

بو، آچيقجا گونئي آزه‌ربايجان و تورك توپلومونون درين، چوخ يؤنلو و سوره‌گه‌ن مده‌ني گئري قالميشليغي، ائييتيلمه‌مه‌نين و ايستيبداد كولتورونون سونوجودور  .

 

آرتيق گرچه‌كله‌ري قبول ائتمه‌نين زاماني گلميشدير. تورك و گونئي آزه‌ربايجان`ين سيياسي موحيطينده بئله مده‌ني اولمايان و آنتي دئموكراتيك داورانيشلارين اوز وئرمه‌سي، ايستيثنائي و بيرئيسه‌ل بويوتلارا سينيرلي اولان، مارژينال بير اولقو دئييلدير. يايقين و ميللي حره‌كه‌ت آدلانان آخيمدا دومينات حتتا اؤن سيرالارينا حاكيم اولمايا باشلايان و باشاريلي و ائتگين بير بيچيمده تئرور هاواسي اسديره‌بيله‌ن بير سيياسي طرز و آنلاييشدير  .

 

 

بو خسته‌ليكلي آنلاييش و طرزي اورتايا چيخاران و منيمسه‌يه‌نله‌ري اوچ قوروبا آييرماق اولاسيدير  :

 

١  -سيياسي اخلاقدان يوخسون اولانلار و شخصي ائحتيراصلاري ديشيندا هئچ بير ايلكه‌يه باغلي اولمايانلار

 

٢ -اوخوموش و يا اوخوماميش لومپه‌نله‌ر

 

٣-ذكا سورونلو اولانلارلا عقلي دنگه‌له‌ري يئرينده اولمايانلار

 

بو اوچ قوروبو و آلچاق و ايلكه‌ل داورانيشلاري ال آتانلاري اوزوله‌ره‌ك بوتون كسيمله‌رده ساغدان سولا، فئدئراليستينده‌ن ايستيقلالچيسينا، ياشليسيندان گنجينه، اوخوموشوندان اوخوماميشينا، قادينيندان اركه‌يينه، ايچه‌ريده و ديشاريدا، .... هر كسيم آراسيندا گؤرمه‌ك مومكوندور.

 

سون دؤنه‌مده اورتايا چيخان تورك خالقي و گونئي آزه‌ربايجان`ين اؤز اينساني و ميللي حاقلاير يولوندا باشلاتديغي يورويوش، ايلك باشدان كيمليك قارقاشاسي و حتتا يانليش كيمليكله‌ر اوزه‌رينه قورولموش بير حره‌كه‌ت اولاراق دوغموشدور. بو دوروم، اونون ياشاتيلماسي و ساغليقلي حالا گتيريلمه‌سي قاباغيندا جيددي انگه‌ل.له‌ر تؤره‌تمه‌كده‌دير.

 

آنجاق يوخاريدا توخونان سيياسي اخلاقسيزليق، لومپه‌نيسم و ذكا قيتليلارين ناقيص دوغان بو حره‌كه‌ته حاكيم اولماسي، اونون كسينليكله اؤلمه‌سي و يوخ اولماسينا نده‌ن اولاجاقدير