داخیلی

یونس شاملی
شهناز خانیم غلامی نین دانیشیغی حاقدا
هر شئیدن اول دئمه لییم کی من حقیقتا شخصیت ترورو و یخیجی و تخریبات چی تنقیده قارشی یام. من حتتا تنقیدله رده، غیرمتعاریف، گوبود، اینجیدی جی و آجی دیلدن بئله ایستفاده ائتمه یه موخالیفم
.

شهنار خانیم غلامی نین برابری تلویزنونونداکی دانیشیغیندا، آزربایجان حرکاتیندا قادینلارا قارشی پروبلئم لری الشدیرمه و قادینلارین بوگونکو و گله جکده کی رولو حرکاتیمیزدا آیدینلاشدیرما و اونون آزربایجان اجتماعیاتینا ائتدیگی تنقیدلرله راضیی یام. و طبیعی اولاراق آزربایجانین اونجول قادینلاری، قادین مسئله لرین و اونا رامن حرکاتیمزدا اولان پروبلئم لری قالدیریب و موباحیثه یه قویمالی دیرلار، و آدی چکیلن حقیقی و حقوقی شخص لر ایسترسه لر، او تنقیده جاواب وئریب و یا اونو جاوابسیز قویابیلرلر.

باخمییاراق کی من شهناز خانیمی آزربایجان حرکاتی نین اؤنجول قادینلاریندان بیری تانییرام، آمما اونون تلویزیون دانشیغیندا ایشله تدییی تنقیدی دیل ایله هئچ راضی دئیرم. شهناز خانیمین ایشله دییی دیل، غیرمتعاریف، آجی، اینتقام تمایللی و تخریبی فورماتدا سونولموشدور. غیرمتعارف و تخریبی فورماتی شهناز خانیمین آشاغاداکی ایفاده سینده یاخشی گؤرمک اولور؛
"آنقدر که من در آنجا (ایران) از دست سرویسهای اطلاعاتی آنجا، زندان و دربدری کشیدم به همان اندازه هم (هویت طلبان آذربایجانی) در ترکیه سختی پیش آوردند. (پارانترها از من است)

دونیا انسان حاقلا بیانیه سینین 12نجی ماده سینده آیدینجا اوخویوروق کی؛ "اینسانلارین شخصی یاشامیندا، آعیله مسئله لرینده، ائو و یا مکتوبلاریندا کمیسه، اؤزباشینا، موداخیله ائتمه مه لی و بیرنین آبیر، شهرت و حیثیتینه توخومامالیدیر."

شهناز خانیم غلامی، او دانیشیغیندا، بعضی آزربایجان تشکیلات لارین گه نه ل فورمدا تنقید آلتینا آلیب، ماحمود بی چهرگانلی نین شخصی یاشامین دا ایکی ائشلی اولماسین میدانا قویدو. بو دانیشقدان سونرا، تاسف له، شهناز خانیم غلامی گئنیش بیر فورمدا تخریباتچی تنقیدلره معروض قالدی و تنقیدینه (غیرمتعاریف فورماتدا دئیلمیش اولسا ایدی ده) جاواب وئرمه یئرینه، اتهاملار، ایفترالارلا قارشیلاشدی و ان سونوندا چرکین بیر حرکت گؤزومه چارپدی. اودا شهناز خانیمین شخصی مئیل لری، آنلانیل ماز شکیلده، اینترنئت ده یایلماسی ایدی.

منجه آزربایجان حرکاتی نین بوگونکو شرایط ین ده، حرکاتین هله ایلکین پروسئس لرینده اولماغینا رامن، آکتیولرین شخصی احوالاتیندان دانشیماق و اونلارین شخصی یاشامین مئدیایا چیخارماق هئچ ده گؤزل دئیردی. بئله حرکتلر آزربایجان حرکاتی نین ایچینده لازیم اولمایان گرلینکیلره یول آچیب، حرکاتین انئرژی سین ضرورت سیز یئرله رده ایشلنیر.



شهناز خانیمین برابری تلویزیونی ایله دانیشیغیندان سونرا مهران بی بهاری، حاقلی اولاراق، بیر یاز ایله شهناز خانیمن بو چیخیشیندان مدافعه ائله دی و بو مدافعه گئنیش مباحیثه یه یول آچدی. مباحثه عرفه سینده، گینه ده بیر چرکین ایش میدانا چیخدی و مهران بی بهارینین آدینا فیس بوکدا بیر قوندارما صحیفه آچیلدی و نئچه گوندن سونرا کیمین او صفحه آچماسی آیدینلاشدی.

مهران بی بهاری بو دورانیشا غیرمتعاریف رئآکسیا گؤستردی و بو رئآکسیا بعضی سوآلارا یول آچدی. او جمله دن؛

1-مهران بی، فیس بوکدا قوندارما صحیفه نین آچیلیشندان سونرا، بیر یازی ایله گاموح تشکیلاتی نی لومپه نیزمه اتهام ائدیر و باشقا بیر یئره بئله یازیر "اوزوله ره ك گاموح يانداشلاري سون گونله رده بير لومپه ن داورانيشا داها ال آتيب و منيم آديم و رسميمله ساختا بير فئيس بوك حئسابي آچيبلار." ایندی ایشاره ائله دییم یازی دا، ایضاحات وئرمه دن، گاموح سؤزون قالدیریب آیدین تبریزلی سؤزون اونون یئرنه قویموشدور. مهران بی ین یازیسیندان آیدین لاشیر کی، آیدین تبریزلی تنقید اولونمالی ایمیش، گاموح تشکیلاتی یوخ.

سوآل بودور کی، گاموها ورولان یخیجی اتهام، لومپنیزم، عذرخواه لیغا احتیاجی یوخدور می؟


2-مهران بی بهاری شهناز خانمیدان مدافعه ائتدیگی یازیدا، یازیر کی، چهرگانلی بی ایکی ائشلی دئیل سه شهناز غلامی اوندان عذر دیله مه لی دیر. بیر آز سونرا اینترنئت ده یایلان معلوماتا گؤره دومان بی، گاموحون تانینمیش و رهبر لیک اورگانیندا اولان بیر اینسان، ماحمود بی چهرگانلی نین ایکی ائشلی اولماماسیندان خبر وئریر.

سوآل بودور کی، مهران بی، او شیدتله چهرگانلی بی ین ایکی ائشلی اولماسین قیناییردیسه، بوگونه قدر شهناز خانیم غلامی دن، بو یالنیش معلوماتین یایماسینا گؤره عذر ایسته مه مه یندن تنقید ائدیبدیر می؟


سونوج بو کی، یخیجی و تخریبات چی تنقید آزربایجان حرکاتیندان آیریلمالی دیر. بو آماج اوغوروندا چالیشماق هر بیر دمکرات آزربایجانلی نین گؤروی دیر، دمکراتیک، مثبت و یاپیجی تنقید آلقیشلانیب، آزربایجان حرکاتیندا اونا گئنیش زمین یاراتمالییق.

تنقیدچی، باشقاسیندان تنقید ائتمک ده صمیمی و اؤزونه تنقید ائمک ده شجاعتلی اولمالی دیر. دانیشدیغیمیز ان سون موباحیثه ده هم صمیمی تنقید و هم ده تنقیدچی نین شجاعتلی اولماسیندا گئنیش بوشلوق گؤزه چارپیر.
این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید
2010-08-03

 

 

 

در باره نویسنده:

Yunes Shameli  یونس شاملی

آخرین مطالب Yunes Shameli یونس شاملی