داخیلی

آمستردام بياناتي­نين 12-جي بندي بئله­دير:
"12- آمستئردام ديالوق توپلانتيسي يوخاريداکي پرينسيپلره داياناراق گونئي آذربايجان ميللي حرکاتيندا فعاليت گؤسترن بوتون تشکيلاتلار و شخصلري داواملي ايشبيرليگي مئخانيزماسينن قورولماسينا چاغيرير."


آمستردام دييالوق توپلانتي­سي­نين سئچدي­يي كواورديناسيا قوروپو، بو ايشي حياتا كئچيرمك اوچون، 22 مارت 2010 تاريخينده داخيلده و خاريجده ياشايان آذربايجانلي شخصلر و سياسي قوروملاري، بئله بير "ايش بيرلي­يي مئخانيزماسي"نين يارانماسي اوچون تكليف لاييحه­لر وئرمه­يه دعوت ائتميشدير.


بو چاغيريشا جاواب اولاراق، آپريل آيي­نين 24-ينده ايلك لاييحه، علي ملازاده و علي رضا اردبيلي طرفيندن "آذربايجان دييالوق فورومو (آ. د. ف.)" آدلي بير تشكيلاتين يارانماسينا دايير نشر اولدو. بو لاييحه نشر اولاندان بوگونه كيمي، 4 باشقا لاييحه­ده ايشيق اوزو گؤروبدور. نتيجه­ده 12-13 ايون 2010 تاريخلرينده بروكسئل شهرينده كئچيريله­جك توپلانتي عرفه سينده 5 لاييحه موباحيثه اولماقدادير:


1. علي ملازاده و علي رضا اردبيلي: آذربايجان دييالوق فورومو (24 آپريل)

2. ماشاالله رزمي: طرح اجلاس دوم فعالین حرکت ملی آذربایجان درخارج (3 ماي)
3. صادق عيسي به­يلي: گونئي آذربايجان ميللي آزادليق حركاتي جبهه­سي (29 ماي)

4. ستار سئويگين: خاريجده گونئي آذربايجان پارلامئنتي (30 ماي)
5. صادق عيسي به­يلي: عومومي لاييحه (2 ايون)


5-جي لاييحه اصلينده ايلك 4 الييحه ني ياخينلاشديرماق اوچون بير جهد دير.
ايلك لاييحه بوگونه كيمي وئريلن تكليفلر، اولونان تنقيدلر و آپاريلان موباحيثه­لر نتيجه­سينده 7 دفعه نظردن كئچيريليب و سون دئيشيكليكلردن سونرا بو آندا 7-جي وئرسياسي نشر اولموشدور. آشاغيدا همان ايلك لاييحه­نين 7-جي و ديگر 4 لاييحه بو سايتدا نشر اولورلار. خصوصيله داخيلده فعاليت ائدين آذربايجان ضيالي­لاري و ميللي فعال­لاري­نين اؤنده گلن گونلرده بو موباحيثه­لره قاتيلمالاري چوخ لازيم گؤرونور.

در باره نویسنده:

علي رضا اردبيلي

آخرین مطالب علي رضا اردبيلي