قادينلار زنان

21 آذر گونو کلن ده کئچیریلن مراسیمین اؤزل و گؤزل ایشلریندن بیری ده بو اولدو کی آزربایجان انسان حاقلارینین مدافیعه چی Jale1سی و آزربایجان ارک جمعیتینین مسئولو«ژاله خانیم تبریزی یه خدمت اؤدولو (تقدیرنامه ) وئریلیب و زحمت لریندن تشکر اولوندو ، اؤدول اجاق کلن مسئولو و 21 آذر کمیته هیئتی عضوی احمد حسن زاده جنابلاری الیله تقدیم اولوندو
بیر کیچیک تانیتما ؛


تبریزین چرنداب محله سینده دونیایا گؤز آچدی ، تبریز بیلیم یوردوندا اؤیرنجی ایکین قدار شاه رژیمینه قارشی آپاردیغی مباریزه ندنیله بیر ایل بویونجا تحصیل دن محروم ائدیلدی، فرانسه بورسیه سی اولدوغو حالدا ایراندان چیخماسینا قاداغا قویولدو، انقلابدان سونرا یئنی دن فرانسه دن تحصیلی بورسیه آلماغی باشاردی ، فرانسه یه گئدیکدن سونرا ایرانلا فرانسه نین آراسیندا یارانان پروبلئم لر نتیجه سینده مجبور ایرانا قایتاریلدی ، سونرا تانینمیش مبارز دکتر ماشاءاله رزمی ایله ائولیلیک قوردو و ایکی قیز اوشاغینین آناسی اولاراق فعالیتلریندن بیر آن اوزاق دورمادی ، 


1985
دن ایراندان چیخیب فرانسه ده یاشاماغا قرار وئردی،ایش له برابر تحصیلی مدرن ادبیات دکترا درجه سینه قده ر دوام ائتدیردی ، ائله همان زاماندان دا ایراندا ازیلن قادین لار و اونلارین حاقلاری ایچین مدافعیه باشلادی ، بو اساسدا «فرانسه قادین لار بیرلیی ، آلمانیا دموکراتیک قادین لار بیرلیی ، اورتا دوغو قادین جمیعتی ، آسیا قادین جمعیتی تشکیلاتلارینین عضویتینده اولاراق آدی کئچن ارگانلار لا امکداشلیغا داوام ائتدیردی ،


نلسون ماندلا نین فرانسه ده کی نماینده سی «دولسی سپتامبر » خانیم لا کی آپارتایدا قارشی مبارزه آپاریردیلار ایشله دی .
2008
نجی ایلده مدیریت ساحه سینده یوکسک لیسانسی نی قازانیب و ایندیسه 25 ایلدیر کی فرانسه نین گاز شرکت لرینین بیرینده چالیشیر .


"ژاله تبریزی" دمکراسی و برابرلیک ایچین عومرونو مبازره آپاران سارسیلماز و یورولماز روحیه سیله ایندیسه یئدی ایله یاخیندیر کی آذربایجان انسان حاقلارینی بیرلشمیش میللت آراسی فعال جاسینا تمناسیز و ادعاسیز کیمسه دن یاردیم آلمادان و کیمسه یه باغلی اولمادان ، مدافیعه ائتمکده دیر ، 


فعالیتی نی سیاسی محبوس لارین حاققینی دفاع ائتمکدن باشلایاراق ، ایراندا کی تورک انسانینی علیهینه گئدن اهانت لر تحقیرلر و راسیسم لیک ، دئپرم زده لرین دورومو، آنا دیلی ایستک لری و قادین لار و اوشاقلار ، اورمو گؤلو و آذربایجاندا اولان اولایلارین حاققیندا دورمادان مدافیعه و مبارزه آپاریر.

بیرلشمیش میللت لرین سون اجلاسلاریندا «فتیله برنامه سینده کی اهانتی » آجی چای سولارینین آلوده اولماسینی کی اورمو گولونوده آلوده ائدیر ، اردبیلین سولارینین رادیو اکتیوله آلوده اولماسی و میللتی خسته لندیرمه سی مسئله لری مدافیعه ائده رک و ایران نماینده سینی اجلاسدا محکوم ائده رک ایران نماینده لرینین دفعه لرجه یئرسیز اعتراضلاریندا سبب اولموش کی نهایت سازمان ملل سوروملوسونون طرفیندن ایران طرفی اولان نماینده اخطار وئریلمیشدیرJale 2


بونئچه سطیر یازی ژاله خانیم تبریزینین البته کی عومور قویدوغو ایللری آنلادا بیلمیر ، آما ایندیسه بیزه دوشور کی هئچ اولماسا آذربایجان میللتی ایچین دورمادان امک وئرن شخصیت لریمیزی تانیاق ، 


ژاله خانیم تبریزی یه اوزون عومور ، جان ساغلیقی دیله ییب ، توتدوغو یولدا اوغورلار قازانماسینی آرزو ائدیریک.