بدون دسته

qarabaghائرمنيستان میللی تهلوکه سیزلیک خیدمتی نین کئچميش باشچيسينا گؤره: "روسييا داغليق قاراباغ و اطرافينداکي اراضيلري باکييا قايتارماغا حاضيردير" ؛بوندان اؤترو آذربايجانين کرئملين اوچ شرطيني اؤدمه‌سي کيفايتدير؛ داويد شاهنازاريان: "ایستاتوس-کوو(ایندیکی دوروم) موتمادي شکيلده و ايروانين زيانينا دييشمکده‌دير..."

مينسک قروپونون آمئريکالي همسدري جئيمس اوورليکين واشينقتونداکي کورنئگي مرکزينده قاراباغا داير سسلنديرديگي تکليفلر 20 ايلليک دانيشيقلارين بير نؤوع سون آکوردو اولدو. ائرمنيستاندا ايسه بو تشببوث هم ده کؤچريان-سرکيسيان دؤنمينين تنقيد و تفتيشينه يول آچدي. گؤزله‌نيلديگي کيمي، ايقتيدارداکي "قاراباغ کلاني"نين سياسي اوپپونئنتلري، علي الخصوص دا واختيله مرحله لي حل پلانينا گؤره حاکيميتدن اوزاقلاشديريلان پرئزيدئنت لئوون تئر-پئتروسيانين کومانداسينين آپاريجي فيقورلاري (ژيراير ليپاريديان، داويد شاهنازاريان و سایره) بو تنقيد ياغيشينين اساس تشکيلاتچيلارينا چئوريلديلر.

اونلاردان بيري - 1992-95-نجي ايللرده پرئزيدئنتين (تئر-پئتروسيان) خوصوصي تاپشيريقلار اوزره صفيري ايشله‌ميش، ميللي تهلوکه‌سيزليک خيدمتينين کئچميش رهبري، غرب پرست مؤوقئعييله تانينان پوليتولوق داويد شاهنازاريانين آچيقلامالاري يئترينجه ماراق دوغورور. بو، همين شاهنازارياندير کي، روسييانين گونئي قافقازدا حربي مؤوجودلوغونون رئگيون اؤلکه‌لرينين هاميسي اوچون ان بؤيوک تهلوکه اولدوغونو، بؤلگه‌ده‌کي ايختيلافلارين حلينه ان بؤيوک انگه‌لي موسکوانين ياراتديغيني دفعه لرله بيان ائديب.

پوليتيکا.آز خبر وئرير کي، ائرمني پورتاللاريندان بيرينه سون موصاحيبه‌سينده ده او، ايلک اؤنجه بو عاميله توخونوب؛ دئييب کي، ايروان مينسک قروپو چرچيوه‌سينده فعاللاشمايا يارديم ائتمه‌لي، اوورليکين تکليفلري اساسيندا بؤيوک صولح سازيشي و "يول خريطه‌سي" حاضيرلانماسي ايشينه حاضير اولدوغونو بيان ائلمه‌ليدير: "بئله بير سيياستين آرديجيل حياتا کئچيريلمه‌سي ائرمنيستانين و داغليق قاراباغين روسييا ايمپئريياسي ترکيبينده تزه‌دن پئيدا اولماماسي اوچون بلکه ده آخيرينجي شانسدير. بونون آلتئرناتيوي ايسه آرتيق ائعلان اولونان پوتين-دوقين روسييا پروقرامي اولاجاق، هانسي پروقراما گؤره کي، موسکوا داغليق قاراباغ پروبلئميني نيزاعملايان يئگانه طرف قيسمينده چيخيش ائده‌جک، چونکي مينسک قروپو نئيتراللاشديريلاجاق و ائرمنيستانين عوضينه آذربايجانلا روسييانين اؤزو دانيشيقلار آپاراجاق".

پوليتولوقا گؤر، موسکوا آذربايجانا آرتيق اؤز تکليفلريني چاتديريب: "اونلار آشاغيداکيلاردير: غربله سيخ سياسي و ائنئرگئتيک امکداشليقدان ايمتيناع ائلمک، روسييانين سياسي و ايقتيصادي نظارت مکانينا قاييتماق و آذربايجاندا روسييانين حربي مؤوجودلوغونا راضي اولماق (رف-نين 1 نؤمره‌لي هدفي). بونلارين قارشيليغيندا موسکوا داغليق قاراباغ و اونون اطرافينداکي اراضيلري قايتارماغا حاضيردير. کرئملين بو پلانلاري پوتينين نئو-ايمپئرييا سيياستينين چرچيوه‌لرينه سيغير. بو پلانلار قاراباغ مسله سي اطرافيندا يئني سيتواسييانين يارانماسينا گتيريب کي، بو دا بوتون موناقيشه طرفلرينين ماراقلاري اوچون جيدي تهلوکه کسب ائدير".

شاهنازاريان حاضيرکي ستاتوس-کوو-نون دييشمز قالماسينين هم ده ديگر بير نئچه عاميله گؤره ائرمني طرفي اوچون غئيري-مقبول و تهلوکه‌لي سايير: "بيرينجيسي، حربي بالانس آرتيق چوخدان و اساسن ده روسييانين سعي لري سايه‌سينده آذربايجانين خئيرينه پوزولوب. و بو پروسئس نينکي دايانماياجاق، هم ده گئنيشلنه‌جک. اونا گؤره کي، آذربايجان روسييا اوچون سيلاه ساتيشي اوچون 1 نؤمره‌لي طرفداشدير. ايکينجيسي، ايقتيصادي فاکتوردور. آذربايجان و ائرمنيستانين اينديکي و 15 ايل اؤنجه‌کي ايقتيصادي دورومونو موقاييسه ائلمک هئچ بير حالدا اولماز، نيسبت دايم آذربايجانين خئيرينه دييشير. اوچونجوسو ايسه رئگيوندا گئوسيياسي بالانس علي الخصوص دا 3 سئنتيابردان (ئرمه‌نيستان گؤمروک ايتتيفاقينا قوشولماق قراري وئرندن – س.ش.) سونرا جيدي شکيلده بيزيم زيانيميزا دييشيب. همين قرارلا ائرمنيستان فاکتيکي اولاراق اؤزونون خاريجي سيياست و تهلوکه‌سيزليک مسله‌لريني بوتونلوکله کرئمله حواله ائديب. حالبوکي، نه قدر آغريلي اولسا دا دئمه‌لييک کي، آذربايجان کيفايت قدر موستقيل و چوخ شاخه‌لي خاريجي سيياست يورودور. بوندان باشقا، ائميقراسييا تئمپينه گؤره ائرمنيستان آذربايجاني قاباقلايير، آذربايجاندا اوسته ليک، اهالينين سايي ائرمنيستاندان فرقلي اولاراق آرتير".

نوفوذلو ائرمني پوليتولوقو رسمي ايروانين ديقتيني آذربايجانلا ائرمنيستان آراسيندا بيرينجينين خئيرينه ايشله‌ين داها ايکي موهوم رئالليغا يؤنلدير: "بو، ائنئرگئتيک تهلوکه‌سيزليک مسله سيدير: اگر ائرمنيستانين بوتون ائنئرژي سيستئمي روسييانين سر انجامينداديرسا، آذربايجان نه اينکي اؤزونو ائنئرگئتيک تهلوکه‌سيزليگيني تامين ائديب، اوسته گل، بير سيرا اؤلکه‌لرين ائنئرگئتيک سفئرالاري اوندان آسيليدير. نؤوبتي فاکتور ائرمنيستانين بين الخالق ميقياسدا تاثيري مسله سيدير. بو تاثير خوصوصن ده 3 سئنتيابردان سونرا جيدي شکيلده آزاليب، آذربايجان ايسه اؤز تاثيريني آرتيرماق اوچون بؤيوک پارالار خرجله‌يير و آرتيق بو يؤنده حيس ائديله‌جک نتيجه‌لره نايل اولوب. بين الخالق بيرليک اوچون ايندي بيز پوتينين نئو-ايمپئرييا سيياستينين ترکيب حيصه سي کيمي قبول ائديليريک. قيساسي، ستاتوس-کوو موتمادي شکيلده دييشير و اؤزو ده بيزيم خئيريميزه يوخ. اودور کي، من نه قدر کي، صولح نيظاملانماسي ايمکانلاري تام توکنمه‌ييب، حربي اوغورو لياقتلي صولحه چئويرمگين طرفدارييام".

شاهنازاريان اؤلکه‌سي اوچون باش وئرن نئقاتيو پروسئسلرده ايلک نؤوبه‌ده سابيق پرئزيدئنت روبئرت کؤچرياني گوناهلانديرير: "1998-جي ايلده کؤچريان "ستاتوس-کوونو ساخلاماق" بهانه‌سي ايله و دؤولت چئوريليشي يولو ايله حاکيميتي اله کئچيردي و اوليقارخييا ايله حاکيميتي بيرلشديرمک، خالقي تالاماق، بير نئچه ميلياردليق ثروته ماليک اولماقدان اؤترو مينسک قروپونون مرحله لي حل پلانيني ردد ائله‌دي. 1998-جي ايلين چئوريليشي نتيجه‌سينده حاکيميتي منيمسه‌ين قوووه‌لر، باشدا کؤچريانلا اوسکانيان (سابيق خاريجي ايشلر ناظيري) اولماقلا، نيظاملاما پروسئسينده ائرمني ماراقلارينا آغير ضربه‌لر ووردولار..."